Gonzali Producciones empecipió’l doblaxe del llargumetraxe Orixe. Dirixíu por Illán Gonzali, y cola participación d’una trentena d’actores, va ser emitíu pola Televisión del Principáu d’Asturies el próximu 8 de setiembre. Trabayarán tamién nesti  proyeutu dellos alumnos de la Escuela de Doblaxe d’Asturies.

Orixe (Inception) ye una película de ciencia ficción empobinada, escrita y producida por Christopher Nolan, que protagonicen Leonardo DiCaprio, Ellen Page, Joseph Gordon-Levitt, Ken Watanabe, Tom Hardy, Marion Cotillar, Cillian Murphy, Tom Berenger y Michael Caine. La so duración ye de 148 minutos. Estrenada en 2010 consiguió 4 Premios Óscar por Meyor Fotografía, Meyor Mezclienda de Soníu, Meyor Edición de Soníu y Meyores Efectos Visuales. Tamién llogró 3 premios BAFTA por Meyor Diseñu de Producción, Meyor Soníu y Meyores Efectos Especiales.

L’argumentu céntrase en Dom Cobb (Leonardo DiCaprio), un lladrón especialista nel arte de la estracción de secretos mientres l’estáu de suañu, cuando la mente ye más vulnerable. La so habilidá conviértelu nuna acobiciada referencia del espionaxe corporativu, pero coles mesmes fai d’él un fuxitivu internacional y va llevalu a perder tou lo qu’ama. Un trabayu últimu podría devolve-y la so vida si, en llugar de robar una idea, llogra xunto col so equipu enllantar una, anque tendrá d’enfrentase a un peligrosu enemigu que paez predicir cada unu de los sos movimientos.

Anuncios